O’ munno d’’e pparole – Eduardo De Filippo

Pieter Bruegel il Vecchio, proverbi fiamminghi

O’ munno d’’e pparole – Eduardo De Filippo

i t' 'o ddico nun me cride
manco si pittass' 'o sole
pecché 'o munno d' 'e pparole
mpara ll'arte d' 'o pparla'.
E tu saje ca st'arte è l'arte
ca se sceglie 'o traditore
pecché l'ommo senza core
fa furtuna c' 'o pparla'.
Io, gnorsi', pire so' chillo
c'ha liggiuto e s'e' applicato;
c' 'o mestiere s'ha 'mparato,
e se serve d' 'o pparla'...

Se capisce ca parlanno,
nciucio, mbroglio... e faccio 'ammore.
Ma però tengo nu core
e cu te, che vuò parla'!